Herman van den Berg se stem maak groot opslae in die Afrikaanse musiekbedryf. Hy was ‘n ingenieurstudent aan Tuks, maar kon hom nie van die musieknote weghou nie. Hy was vir twee agtereenvolgende jare ‘n Crescendo finalis. Sy eerste CD, getiteld Herman van den Berg, bevat ‘n verskeidenheid liedjies wat sy wye musiekbelangstelling weerspieël. Dis Afrikaans op sy mooiste. Herman het sewe van die lirieke geskryf – die res is gedigte van onder andere Ingrid Jonker en ID du Plessis, elke toonsetting is ‘n klein meesterwerk op sy eie. Herman begelei homself op die kitaar.